في طريقنا نحو النهاية أو أنا باسميها البداية لأن عشان لما بنموت تبدأ الحياة الحقيقة حيث يتوقف الزمان و تكون حياتنا أبدية ، بنحلم و الحلم دا بيكون حاجة بتسهل المشوار و تعطينا أمل في الحياة ، في ناس بتحلم إنها تعمل حاجة كبيرة و تضع بصمتها علي هذا العالم و في ناس أخر حلمها إنها تروح هوليود. المهم كل ميسر لما خلق له فاللهم يسر لنا صنع التاريخ. أنا من فترة كدا و أنا نفسي أكتب مش عارف ليه يمكن عشان بطلت أكلم يعني أخر مرة أكلمت فيها مع أقرب الناس ليا من إخواني أو شيوخي أو أستاذتي كان مثلا من 8 ولا 9 شهور خلاص هما حتي حاسين إني لما بتكلم مش بطلع اللي جويا و بكتفي بما يدور في العالم و ناسي اللي بيدور جوايا و بيطحن في هنايا... مع إن اللي جوايا دا عبارة عن مليون حاجة في حاجة و صور ناس عينها بالفرحة ملاينة ، و مع إن اللي جوايا دا حلم كبير أوي حلم لازم هيحصل حتي لو أنا مش هشوفه حلم كبره جوايا ناس كتير صنعته جوايا ناس عاشت حياتها كلها لله ناس هما مئات منهم دلوقتي ناس في كل بقاع الأرض كل أما أفتكر واحد ألقيه في حته شكل و في بلد شكل بس لسه عشان الحلم الكبير عايشين ، حلم عظيم أوي ، و منهم ناس شهداء قضوا نحبهم و ما بدلوا تبديلا الناس دي كل واحد منهم صورته و بصمته جوا قلبي و عقلي ترك أثر و أملهم إني بعدهم هكمل المشوار و أنشر الحلم و أسيب الأثر جزء من حلمهم إني أضيف علي الحياة و في كل يوم وفي كل فصل في حياتي يكون في قصة نجاح. الناس دي بقي قالوا ليا الحلم عبارة عن كام حلم في بعض لو ضاع واحد في الطريق كمل عشان الحلم الكبير يكمل ، و علموني إن مخليش أي حلم يوصل لدرجة الكومبو ! يعني من الأخر إدي لكل حلم حجمه الطبيعي أه في حلم بيكون عامل مشترك في كل الأحلام و عليه تبني الكثير من الأفعال بس برضه لازم كل حاجة تاخد حجمها !! إحنا أصلا هنا مسافرين زي ما قال النبي صلي الله عليه و سلم " كن في الدنيا كأنك غريب أو عابر سبيل" ، المهم بقي عشا ن أنا و لا أنتوا لو حد بيقرا فاضيين أنا زهقان من نفسي عشان أنا في حلم و خد أكبر من حجمه و أنا اللي سيبته يكبر و يكبر جوايا ، حلم أنا خلقته بأيديا و كبرته في عقلي و قلبي فصعبان عليا أموته حلم لما بكون شغال علي الأحلام التانية و بكبرها لازم أيطلع في الخلفية (باك جروند يعني:) ) مش عارف يمكن أنا سايبه بمزاجي بس لازم يروح الحلم بعيد يإما يجي و يقرب زي زمان لكن مينفعش أكمل المشوار و الخلفية باهتة كدا. أنا علي رأي أخويا حمزة نمرة و لو ماجاش إحنا نيجيبه بنفسنا صح أهوا أنا متعود علي كدا بس لو الحلم بيجري بعيد – مش الحلم الكبير جزء مبني عليه يعني - أوعي تفضل تجري وراه لأنك قد تكون بتضيع نفسك يلا كفاية كدا !! أهم حاجة يا شباب نحلم و نشتغل و اللي عايز يجي جوا الحلم أهلا و سهلا إحنا إتعلمنا نسامح و نحب كل الناس !! و اللي عايز يطلع بره الصورة برضه أهلا و سهلا !!!!
الصورة اللي فوق دا بتاعت أنس عشان الملكية الفكرية بس مع إننا واحد يعني بس يلا !!
No comments:
Post a Comment